Հոլանդիայի չեմպիոն եւ գավաթակիր Ամստերդամի «Այաքսը» ձեռք է բերել մեքսիկական «Ամերիկայի» եւ Մեքսիկայի հավաքականի պաշտպան Էդսոն Ալվարեսին, հաղորդում է ակումբի պաշտոնական կայքը։
«Այաքսը» 21-ամյա ֆուտբոլիստի համար վճարել է 15 միլիոն եվրո եւ կնքել 5 տարվա պայմանագիր։
Նա պաշտպանությունում կզբաղեցնի Մատեյս Դե Լիգտի հեռանալուց հետո ազատ մնացած դիրքը։
Ալվարեսն անցած մրցաշրջանում «Ամերիկայի» կազմում մասնակցել է 46 հանդիպման, խփել 3 գոլ, կատարել 1 գոլային փոխանցում։
Հիշեցնենք, որ «Յուվենտուսը» Դե Լիգտի համար վճարել 75 միլիոն եվրո։
Հետևեք NEWS.am SPORT-ին Facebook-ում, Twitter և Telegram-ում