14:12  ,  17 հուլիսի, 2019

Արթուր Ավագիմյան․ Ինձ և Գեղամ Կադիմյանին «Ալաշկերտում» շատ լավ ընդունեցին

Կիևի «Արսենալից» «Ալաշկերտ» տեղափոխված 22-ամյա կիսապաշտպան Արթուր Ավագիմյանի հետ ակումբի մամուլի ծառայությանը պատմել է նոր ակումբում տպավորությունների մասին եւ գնահատել է Եվրոպայի լիգայի երկրորդ որակավորման փուլի դուրս գալու հնարավորությունը։

Աբրահամ Խաշմանյանի գլխավորած թիմը Մակեդոնիայի մայրաքաղաք Սկոպյեում պատրաստվում է «Մակեդոնիայի» հետ պատասխան խաղին, որը տեղի կունենա հուլիսի 18-ին։

«Լավ մարզում անցկացրեցինք, ինչից հետո վերլուծեցինք դիմակայության առաջին խաղը: Երևանում կարողացել ենք լավ արդյունք գրանցել, հաջորդ փուլ դուրս գալու լավ շանսեր ունենք:

Ինձ և Գեղամ Կադիմյանին «Ալաշկերտում» շատ լավ ընդունեցին: Շնորհակալ եմ ղեկավարությանը, մարզչական շտաբին, թիմակիցներիս, անձնակազմին, ինչպես նաև երկրպագուներին` լավ խոսքերի և մաղթանքների համար: Ամեն ինչ կանենք, որպեսզի օգնենք «Ալաշկերտին» նորանոր հաղթանակներ տանել»,- նշեց Ավագիմյանը:

Հիշեցնենք, որ «Ալաշկերտը» Երեւանում «Մակեդոնիային» հաղթել է 3։1 հաշվով։

 

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով