Լոնդոնի «Արսենալը» ֆրանսիացի պաշտպան Լորան Կոսելնիի տրանսֆերի համար պահանջում է 10 միլիոն եվրո։ Նրա պայմանագիրն անգլիական ակումբի հետ նախատեսված է մինչեւ 2020թ․ հունիս։
Ֆուտբոլիստն «Արսենալի» ղեկավարությանը խնդրել էր արդեն այս ամռանը իրեն տրամադրել ազատ գործակալի կարգավիճակ, սակայն մերժում է ստացել, ինչից հետո հրաժարվել է թիմի հետ մեկնել ԱՄՆ, հաղորդում է London Evening Standard-ը։
Կոսելնիի ծառայություններով հետաքրքրված են «Միլանն» ու «Ինտերը», սակայն պատրաստ են առաջարկել պայմանագիր, եթե նա ստանա ազատ գործակալի կարգավիճակ։
Կոսելնին «Արսենալում» է 2010 թվականից։
Հետևեք NEWS.am SPORT-ին Facebook-ում, Twitter և Telegram-ում