19:11  +04,  12 հուլիսի, 2019

«Աթլետիկոն» դատի կտա «Բարսելոնային»․ Գրիզմանի տրանսֆերի համար պահանջում է եւս 80 միլիոն եվրո

Մադրիդի «Աթլետիկոն» պաշտոնական հայտարարությամբ իրազեկել է, որ դատի է տալու «Բարսելոնային» եւ ֆրանսիացի հարձակվող Անտուան Գրիզմանի տրանսֆերի համար պահանջելու է եւս 80 միլիոն եվրո։

«Աթլետիկոն» վստահ է, որ «Բարսելոնան» ու Գրիզմանը տրանսֆերի վերաբերյալ համաձայնության հասել են նախքան տրանսֆերային գնի նվազումը։ Մադրիդյան ակումբի հետ Գրիզմանի պայմանագրով նախատեսված է, որ նրա տրանսֆերային գինը հուլիսի 1-ից 200 միլիոն եվրոյից նվազում է մինչեւ 120 միլիոն եվրո։

«Այսօր Գրիզմանի փաստաբանը հայտնվել է Պրիմերայի գրասենյակում եւ միակողմանի խզել պայմանագիրը խաղացողի եւ «Աթլետիկոյի» միջեւ։ Նա «Բարսելոնայի» անունից վճարել է 120 միլիոն եվրո։

Մենք կարծում ենք, որ այս գումարը բավարար չէ։ Ակնհայտ է, որ «Բարսելոնան» եւ Գրիզմանը տեղափոխության մասին պայմանավորվել են նախքան գնի նվազումը 200 միլիոն եվրոյից մինչեւ 120 միլիոն եվրո։

Այդ համաձայնությունը եղել է նախքան մայիսի 14-ը, երբ Գրիզմանը հայտարարեց մեր ակումբից հեռանալու որոշման մասին։

«Աթլետիկոն» արդեն սկսել է իր օրինական իրավունքների եւ շահերի պաշտպանությանն ուղղված գործողություններ»,- նշվում է «Աթլետիկոյի» պաշտոնական կայքում հրապարակած հայտարարությունում։

«Բարսելոնան» հուլիսի 12-ին հայտարարել է, որ Գրիզմանի հետ կկնքի հինգ տարվա պայմանագիր, իսկ տրանսֆերային գումարը կսահմանի 800 միլիոն եվրո։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ