14:49  ,  11 հուլիսի, 2019

«Մանչեսթեր Սիթին» հետաքրքրվում է Դանի Ալվեսի ծառայություններով

Բրազիլիայի հավաքականի պաշտպան Դանի Ալվեսը հնարավոր է այս ամռանը միանա Անգլիայի չեմպիոն «Մանչեսթեր Սիթիին»։ Ֆրանսիայի չեմպիոն ՊՍԺ-ից հեռանալուց հետո Ալվեսն ունի ազատ գործակալի կարգավիճակ։ Կատալոնացի Խոսեպ Գվարդիոլայի գլխավորած թիմը ցանկանում է մեկ տարվա պայմանագիր առաջարկել 36-ամյա ֆուտբոլիստին։ Գվարդիոլան ու Ալվեսը միասին աշխատել են «Բարսելոնայում»։ Կողմերն արդեն բանակցում են, հաղորդում է Globo Esporte-ն։

Հիշեցնենք, որ Դանի Ալվեսը դարձավ առաջին ֆուտբոլիստը, որը կարիերայի ընթացքում նվաճեց 40 տիտղոս։

Ալվեսը Բրազիլիայի հավաքականի հետ երկրորդ անգամ նվաճեց Ամերիկայի գավաթը։ Երկու անգամ էլ նա ազգային թիմում դարձել է Կոնֆեդերացիաների գավաթի խաղարկության հաղթող։

36 տիտղոս էլ Ալվեսը նվաճել է «Սեւիլիայի», «Բարսելոնայի», «Յուվենտուսի» եւ ՊՍԺ-ի հետ։

Հետևեք NEWS.am SPORT-ին Facebook-ում, Twitter և Telegram-ում