Լոնդոնի «Արսենալի» բրազիլացի նորեկը (ֆոտո)

Լոնդոնի «Արսենալը» ձեռք է բերել բրազիլական «Իտուանոյի» հարձակվող Գաբրիել Մարտինելիին։ 18-ամյա բրազիլացի խաղացողի տրանսֆերի մանրամասները չեն հրապարակվել։ Կողմերը կնքել են երկարաժամկետ պայմանագիր։

2017-ին Մարտինելին փորձաշրջան է անցել «Մանչեսթեր Յունայթեդում», նրա ծառայություններով հետաքրքրված է եղել նաեւ «Բարսելոնան»։

Մի քանի բրազիլական թիմեր պայքարել են Մարտինելիի տրանսֆերի համար, սակայն ֆուտբոլիստն ընտրել է «Արսենալը»։

Այս տարի Մարտինելին Բրազիլիայի Պաուլիստա նահանգի առաջնությունում (չորրորդ դիվիզիոն) մասնակցել է 13 հանդիպման, խփել 6 գոլ։

Ամերիկայի գավաթի խաղարկությունից առաջ Մարտինելին հրավեր էր ստացել Բրազիլիայի հավաքականից եւ մասնակցել մարզումային հավաքին։

Հետևեք NEWS.am SPORT-ին Facebook-ում, Twitter և Telegram-ում