23:11  ,  27 հունիսի, 2019

Croatia Grand Chess Tour․ Լեւոն Արոնյանը ոչ ոքի խաղաց Անիշ Գիրիի հետ

Խորվաթիայի մայրաքաղաք Զագրեբում ընթացող Grand Chess Tour-ի երկրորդ փուլում հայկական շախմատի առաջատար Լեւոն Արոնյանը երկրորդ տուրի պարտիան անցկացրեց հոլանդացի Անիշ Գիրիի հետ։ Հայ գրոսմայստերը հանդես եկավ սպիտակ ֆիգուրներով։ 55-րդ քայլում գրանցվեց ոչ ոքի։

Արոնյանն առաջին տուրում միավորը կիսել էր ֆրանսիացի Մաքսիմ Վաշյե-Լագրավի հետ։

Հունիսի 28-ին կայանալիք երրորդ տուրում Լեւոն Արոնյանը սեւերով կխաղա աշխարհի նախկին չեմպիոն, հնդիկ Վիշվանաթան Անանդի հետ։

Մրցաշարը բաղկացած է 11 տուրից։

Հետևեք NEWS.am SPORT-ին Facebook-ում, Twitter և Telegram-ում