11:43  ,  26 հունիսի, 2019

«Ալաշկերտից» հեռացած Դենիս Թումասյան․ Դեռ կարելի է ֆուտբոլ խաղալ

Երեւանի «Ալաշկերտից» ռուսական «Չայկա» տեղափոխված պաշտպան Դենիս Թումասյանը պատմել է նպատակների մասին։

«Կարծում եմ՝ լավ կարիերա ստացվեց։ Ես դեռ չեմ պատրաստվում հեռանալ ֆուտբոլից։ Հույս ունեմ «Չայկայի» հետ խաղալ լուրջ մակարդակի վրա։ Անկախ խաղացողի հեղինակությունից, այն պետք է ապացուցել կայուն խաղով, թիմին օգուտ տալով։

Ձմռանն ինձ աշխատանք առաջարկեցին «Ուֆայի» սելեկցիոն ծառայությունում։ Սկզբում համաձայնեցի, բայց հինգ ժամ համակարգչի դեմ նստելուց հետո որոշեցի, որ դեռ կարելի է ֆուտբոլ խաղալ։ Ստացվում է, որ դեռ ցանկություն ունեմ»,- 34-ամյա ֆուտբոլիստի խոսքը մեջբերում է ակումբի մամուլի ծառայությունը։

«Ուրալի» եւ «Ուֆայի» նախկին խաղացողը «Ալաշկերտում» մասնակցեց Հայաստանի առաջնության 11 հանդիպման, խփեց մեկ գոլ։

Հետևեք NEWS.am SPORT-ին Facebook-ում, Twitter և Telegram-ում