10:12  +04,  23 հունիսի, 2019

«Փյունիկի» երեք նորեկները

Ֆուտբոլի Հայաստանի փոխչեմպիոն Երեւանի «Փյունիկը» պայմանագրեր է կնքել Արտյոմ Սիմոնյանի, Արտակ Եդիգարյանի և Անտոնիո Ստանկովի հետ, հայտնում է ակումբի մամուլի ծառայությունը։

24-ամյա կիսապաշտպան Արտյոմ Սիմոնյանը Սանկտ Պետերբուրգի «Զենիթի» սան է: Սիմոնյանի նախորդ ակումբը Երևանի «Արարատն» էր: 

29-ամյա կիսապաշտպան Արտակ Եդիգարյանը «Փյունիկի» սան է: Եդիգարյանի նախորդ ակումբը Երևանի «Ալաշկերտն» էր:

28-ամյա մակեդոնացի պաշտպան Անտոնիո Ստանկովը հոլանդական «Ռոդայի» սան է: Նրա նախորդ ակումբը եղել է հոլանդական «Դորդրեխտը»:

Հիշեցնենք, որ «Փյունիկն» այժմ մարզումային հավաք է անցկացնում Սլովենիայում՝ պատրաստվելով մակեդոնական «Շկուպիի» դեմ Եվրոպայի լիգայի որակավորման առաջին փուլի հանդիպումներին։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: