10:37  +04,  20 հունիսի, 2019

Արգենտինան Մեսիի գոլի շնորհիվ խուսափեց պարտությունից, Կոլումբիան նվաճեց 1/4 եզրափակիչի ուղեգիր (տեսանյութ)

Բրազիլիայում շարունակվող ֆուտբոլի Ամերիկայի գավաթի խաղարկությունում երկրորդ տուրի հանդիպումն անցկացրին B խմբում ընդգրկված թիմերը։ Արգենտինայի հավաքականը մրցեց Պարագվայի հետ եւ պարտությունից խուսափեց «Բարսելոնայի» առաջատար Լիոնել Մեսիի իրացրած 11 մետրանոցի շնորհիվ՝ 1։1։

Արգենտինան երկու խաղում վաստակել է 1 միավոր եւ վերջին տեղում է։ Պարագվայը վաստակել է 2 միավոր։

Քառորդ եզրափակիչի ուղեգիրն ապահովեց խմբի առաջատար Կոլումբիան, որը 1։0 հաշվով հաղթեց Քաթարին եւ 6 միավորով գլխավորում է մրցաշարային աղյուսակը։

Հունիսի 23-ին կայանալիք վերջին տուրում Արգենտինան կխաղա Քաթարի, Պարագվայը՝ Կոլումբիայի հետ։ Հանդիպումները կմեկնարկեն Երեւանի ժամանակով 23։00-ին։

Ամերիկայի Գավաթ, B խումբ, երկրորդ տուր

Արգենտինա - Պարագվայ՝ 1։1 (տեսանյութ)

Լիոնել Մեսի, 57, 11մ - Ռիչարդ Սանչես, 37

Չիրացրած 11մ՝ Դերլիս Գոնսալես (Պարագվայ), 63

Կոլումբիա - Քաթար՝ 1։0 (տեսանյութ)

Դուվան Սապատա, 86

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: