17:34  +04,  17 հունիսի, 2019

Ֆրանչեսկո Տոտին հեռացավ «Ռոմայի» տնօրենի պաշտոնից

«Ռոմայի» լեգենդար ավագ Ֆրանչեսկո Տոտին հեռացավ իտալական ակումբի տնօրենի պաշտոնից։ Այդ մասին նա հայտարարել է հատուկ հրավիրած ասուլիսում։

«Ես ազատման դիմում եմ գրել։ Հույս ունեի, որ գործը սրան չէր հասնի, բայց ոչինչ չփոխվեց։ Ինձ համար ահավոր ցավալի է այս փաստը։ Հաշվի առնելով հանգամանքները՝ սա միակ ճիշտ որոշում էր»,- Տոտիի խոսքը մեջբերում է Gazetta.it-ը։

2006թ․ աշխարհի չեմպիոն Տոտին ֆուտբոլիստի կարիերան «Ռոմայում» ավարտել էր 2017-ին եւ անմիջապես նշանակվել մայրաքաղաքային ակումբի տնօրեն։

Տոտին դժգոհ է, որ կարևոր որոշումներն ակումբում ընդունվում են առանց իր մասնակցության։

Տոտին «Ռոմայում» անցկացրեց 30 տարի, պատանեկան թիմի կազմում առաջին խաղն անցկացրել է 1989 թվականին։ «Ռոմայի» կազմում Տոտին դարձել է Իտալիայի չեմպիոն, կրկնակի գավաթակիր եւ սուպերգավաթակիր։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: