16:45  ,  17 հունիսի, 2019

«Բարսելոնայի» նախագահը հերքում է, թե պայմանավորվածություն ունի Գրիզմանի հետ

Իսպանիայի չեմպիոն Խոսեպ Բարտոմեուն» հերքել է լուրերը, թե կատալոնական ակումբը պայմանագիր է կնքել Մադրիդի «Աթլետիկոյից» հեռանալու մասին հայտարարած ֆրանսիացի հարձակվող Անտուան Գրիզմանի հետ։

«Մենք չենք բանակցել Գրիզմանի հետ, առավել եւս պայմանագիր չենք կնքել։ Կարող եմ սա բազմիցս կրկնել։

Բայց դա չի նշանակում, որ մենք բացառում ենք այդպիսի հավանականություն։ Հնարավոր է՝ Գրիզմանի տրանսֆերի վերաբերյալ բանակցենք առաջիկայում»,- Բարտոմեուի խոսքը մեջբերում է AS-ը։

Հուլիսի 1-ին աշխարհի չեմպիոնի տրանսֆերային գինը կդառնա 120 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում