22:25  +04,  16 հունիսի, 2019

«Բավարիան» մտադիր է «Ռեալից» վարձակալել Գարեթ Բեյլին

Գերմանիայի չեմպիոն Մյունխենի «Բավարիան» ցանկանում է վարձակալությամբ ձեռք բերել Մադրիդի «Ռեալի» եւ Ուելսի հավաքականի հարձակվող Գարեթ Բեյլին, հաղորդում է Goal.com-ը։

«Բավարիան» արդեն առաջարկ է արել Արքայական ակումբին 29-ամյա ֆուտբոլիստի տեղափոխության հարցով։ «Բավարիան» պատրաստ է վճարել Բեյլի ամբողջ աշխատավարձը։ Նրա տրանսֆերն այժմ գնահատվում է 60 միլիոն եվրո։

Ավարտված մրցաշրջանում Բեյլը մասնակցել է 42 հանդիպման, խփել 14 գոլ, կատարել 6 գոլային փոխանցում։ Ֆուտբոլիստի պայմանագիրը «Ռեալի» հետ նախատեսված է մինչեւ 2022 թվականը։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: