18:25  ,  13 հունիսի, 2019

Գրիզման․ Տոնի Պարկերը Ֆրանսիայում Պլատինիի եւ Զիդանի մակարդակի է

Աշխարհի չեմպիոն Ֆրանսիայի հավաքականի հարձակվող Անտուան Գրիզմանն արժանին է մատուցել ֆրանսիացի բասկետբոլիստ Տոնի Պարկերին, որը հայտարարել է կարիերան ավարտելու մասին։

«Պարկերը շատ մարզիկների համար է եղել օրինակելի։ Նա շատ տղաների է ներշնչել գնալ բասկետբոլի։ Ֆրանսիացիների համար Տոնին Միշել Պլատինիի եւ Զինեդին Զիդանի մակարդակի է»,- Գրիզմանի խոսքը մեջբերում է lequipe.fr-ն։

37-ամյա Պարկերը 18 մրցաշրջան է անցկացրել Բասկետբոլի ազգային ասոցիացիայում, 2001-2018 թվականներին հանդես է եկել «Սան Անտոնիում»՝ դառնալով NBA-ի քառակի չեմպիոն։ Նա երկու անգամ ճանաչվել է տարվա լավագույն եվրոպացի խաղացող NBA-ում (2007-ին եւ 2013-ին)։

Ֆրանսիայի հավաքականի հետ Պարկերը դարձել է 2013թ․ Եվրոպայի չեմպիոն։

Հետևեք NEWS.am SPORT-ին Facebook-ում, Twitter և Telegram-ում