Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան չի ընդունել Թուրինի «Յուվենտուսի» առաջարկը։ Իտալիայի չեմպիոնները գլխավոր մարզիչի աշխատանքի համար Գվարդիոլային առաջարկել են տարեկան 20 միլիոն եվրո աշխատավարձ, հաղորդում է Eurosport-ը։
Իտալացի Մասիմիլիանո Ալեգրիի հեռանալուց հետո «Յուվենտուսի» գլխավոր մարզիչի պաշտոնը մնում է թափուր։
Այժմ հիմնական թեկնածու է համարվում Լոնդոնի «Չելսիի» իտալացի գլխավոր մարզիչ Մաուրիցիո Սարին։
Հետևեք NEWS.am SPORT-ին Facebook-ում, Twitter և Telegram-ում