Saygısızlık
— FutbolArena (@futbolarena) June 9, 2019
Terbiyesizlik
Röportaj esnasında İzlandalı bir şahıs Emre Belözoğlu'na tuvalet fırçası uzattı. pic.twitter.com/Gks0hoO4Bq
Թուրքիայի ֆուտբոլի ֆեդերացիան Իսլանդիայի իշխանությանը մեղադրել է թուրք ֆուտբոլիստների նկատմամբ անհարգալից վերաբերմունքի համար, հաղորդում է BBC-ն։
Իսլանդիայի մայրաքաղաք Ռեյկյավիկի օդանավակայանում Թուրքիայի հավաքականի ավագ Էմրե Բելեզօղլուի հետ ճեպազրույցի ժամանակ մի տղամարդ լրագրողների հետ մոտեցել է ֆուտբոլիստին, սակայն խոսափողի կամ ձայնագրիչի փոխարեն պարզել է խոզանակ։ Բացի այդ Թուրքիայի հավաքականի ֆուտբոլիստների ուղեբեռը օդանավակայանում ստուգել են մի քանի ժամ։
Տեղի ունեցածին արձագանքել է Թուրքիայի արտգործնախարար Մեվլյութ Չավուշօղլուն։
«Իսլանդական օդանավակայանում մեր ազգային թիմի նկատմամբ վերաբերմունքը անթույլատրելի է դիվանագիտական կամ հումանիտար տեսանկյունից»,- գրել է նախարարը Թվիթերում։
Իսլանդիայի եւ Թուրքիայի հավաքականները Եվրոպայի առաջնության ընտրական մրցաշարի չորրորդ տուրի հանդիպումը Ռեյկյավիկում կանցկացնեն հունիսի 11-ին։
Հիշեցնենք, որ մի քանի օր առաջ Եվրո-2020-ի երրորդ տուրի Թուրքիա - Ֆրանսիա հանդիպումից առաջ թուրք ֆանատները սուլել էին Ֆրանսիայի հիմնի ժամանակ։
Հետևեք NEWS.am SPORT-ին Facebook-ում, Twitter և Telegram-ում