Ուշադրություն չենք դարձնում, որ Հունաստանը օրեր առաջ պարտվել է Իտալիային, ասել է Հայաստանի հավաքականի կիսապաշտպան Գեւորգ Ղազարյանն Աթենքում տեղի ունեցած նախախաղային ասուլիսում։ Հայաստանի հավաքականը պատրաստվում է Եվրոպայի առաջնության ընտրական մրցաշարի չորրորդ տուրի հանդիպմանը։
«Կարոտել էի Աթենքը, շատ եմ սիրում այս քաղաքը: Դեռ վաղ է խոսել Եվրոպայի առաջնության եզրափակիչ փուլի ուղեգիր ձեռք բերելու մասին: Կենտրոնացած ենք վաղվա խաղի վրա: Մեր նպատակը երեք միավոր վաստակելն է:
Կամո Հովհաննիսյանի հետ ձախ եզրում շատ հաճելի է համագործակցել: Ակումբային կարիերայում առայժմ լուրեր չկան, շուտով հայտնի կդառնա, թե որտեղ կշարունակեմ կարիերաս»,- նշեց Գեւորգ Ղազարյանը:
Հունիսի 11-ին կայանալիք Հունաստան - Հայաստան խաղը կմեկնարկի Երեւանի ժամանակով 22։45-ին։
Սամվել Սուքիասյան (Աթենք)
Հետևեք NEWS.am SPORT-ին Facebook-ում, Twitter և Telegram-ում