Մադրիդի «Ռեալը» համաձայնության է հասել Լոնդոնի «Չելսիի» հետ բելգիացի կիսապաշտպան Էդեն Ազարի տրանսֆերի հարցում։ 28-ամյա ֆուտբոլիստի համար Արքայական ակումբը կվճարի 130 միլիոն ֆունտ ստերլինգ, որի մեջ մտնում են նաեւ ապագայում հնարավոր բոնուսները, հաղորդում է telegraph-ը։
Մեկ շաբաթ տեւած բանակցություններն ավարտվել են հունիսի 6-ին։ Առաջիկայում ֆուտբոլիստը բուժզննում կանցնի Մադրիդում եւ կկնքի պայմանագիրը։
Եվրոպայի լիգայի եզրափակիչից («Չելսի» - «Արսենալ»՝ 4։1) հետո Ազարը արձակուրդն անցկացնում էր Իսպանիայում։
Մադրիդի «Ռեալը» բանակցությունները սկսել էր 88 միլիոն ֆունտ ստերլինգի առաջարկից։
Հետևեք NEWS.am SPORT-ին Facebook-ում, Twitter և Telegram-ում