Եվրոպայի լիգայի եզրափակիչում Լոնդոնի «Չելսիի» հաղթանակն «Արսենալի» նկատմամբ ֆրանսիական «Լիոնին» հնարավորություն է տվել հաջորդ մրցաշրջանում խաղալ Չեմպիոնների լիգայի խմբային փուլում, հայտնում է ՈւԵՖԱ-ի կայքը:
Ֆրանսիական ակումբը Չեմպիոնների լիգայում պայքարը պետք է սկսեր որակավորման փուլից, սակայն «Չելսին» այդպիսի ուղեգիր արդեն նվաճել է Պրեմյեր լիգայից: Չեմպիոնների լիգայի խմբային փուլի ուղեգիր նվաճում է նաեւ Եվրոպայի լիգայի հաղթողը:
Չեմպիոնների լիգայի որակավորման փուլի փլեյ-օֆֆում «Լիոնին» կփոխարինի թուրքական «Իստանբուլ Բաշակշեհիրը»:
Հիշեցնենք, որ Բաքվում կայացած եզրափակիչում «Չելսին» հաղթել էր 4:1 հաշվով եւ երկրորդ անգամ դարձել Եվրոպայի լիգայի գավաթակիր:
Հայաստանի հավաքականի կիսապաշտպան Հենրիխ Մխիթարյանն «Արսենալի» հետ չէր մեկնել Ադրբեջանի մայրաքաղաք։
Հետևեք NEWS.am SPORT-ին Facebook-ում, Twitter և Telegram-ում