Five hours later, the Blues have arrived in Azerbaijan...
— Chelsea FC (@ChelseaFC) May 27, 2019
And what a welcome! #UELfinal pic.twitter.com/6mSLmKRs0S
Լոնդոնի «Չելսիի» ֆուտբոլիստները ժամանել են Ադրբեջանի մայրաքաղաք Բաքու, որտեղ մայիսի 29-ին Եվրոպայի լիգայի եզրափակիչում կխաղան «Արսենալի» հետ, փոխանցում է ակումբի մամուլի ծառայությունը:
Հիշեցնենք, որ «Արսենալը» մրցավայր էր ժամանել մայիսի 25-ին եւ արդեն երկու մարզում է անցկացրել «Օլիմպիական» ստադիոնում։
Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանը չի մասնակցի Եվրոպայի լիգայի եզրափակիչին:
Ավելի վաղ ՈւԵՖԱ-ն եւ Ադրբեջանի իշխանությունը «Արսենալին» եւ Մխիթարյանին տվել էին անվտանգության երաշխիքներ, սակայն լոնդոնյան ակումբը մայիսի 21-ին հայտարարեց, որ հայ կիսապաշտպանի եւ նրա ընտանիքի հետ քննարկումների արդյունքում որոշել են ֆուտբոլիստին չտանել Բաքու։
Նախկինում Մխիթարյանը բաց է թողել երկու արտագնա եվրագավաթային հանդիպումներ արդբեջանական ակումբների հետ։ 2017-ին Հենրիխ Մխիթարյանը Եվրոպայի լիգայի գավաթակիր դարձել է անգլիական «Մանչեսթեր Յունայթեդի» կազմում:
Հետևեք NEWS.am SPORT-ին Facebook-ում, Twitter և Telegram-ում