Իտալիայի չեմպիոն Թուրինի «Յուվենտուսի» գլխավոր մարզիչի պաշտոնից հեռանալու մասին հայտարարած իտալացի Մասիմիլիանո Ալեգրին ակնարկել է, որ թիմի հաջորդ գլխավոր մարզիչը կլինի Մանչեսթերից, հաղորդում է Goal.com-ը։
Միլանի մոտ գտնվող Դայարգո քաղաքում Ալեգրին մասնակցել է ռեստորանի բացման, որտեղ հանդիպել է «Ինտերի» նախկին խաղացո Ջուզեպե Բերգոմիի հետ։ Այդ ընթացքում երկրպագուները Ալեգրիին հարցրել են փոխարինողի մասին եւ ստացել խորհրդավոր պատասխանը։
Ավելի վաղ, իտալական մամուլը գրել էր, որ հունիսի 4-ին «Յուվենտուսը» պայմանագիր կկնքի Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլայի հետ, սակայն անգլիական ակումբը հերքել էր լուրը։
Հնարավոր է նաեւ, որ Ալեգրին ակնարկել է պորտուգալացի Ժոզե Մոուրինյոյին, որը 2018թ․ դեկտեմբերին հեռացվել էր «Մանչեսթեր Յունայթեդից» եւ բազմիցս նշել է հունիսին մարզչական աշխատանքը վերսկսելու մտադրության մասին։
Հետևեք NEWS.am SPORT-ին Facebook-ում, Twitter և Telegram-ում