23:10  +04,  22 մայիսի, 2019

Ռուդի Գարսիան հեռանում է «Մարսելից»

Ֆրանսիական «Մարսելի» գլխավոր մարզիչ Ռուդի Գարսիան հայտարարել է զբաղեցրած պաշտոնից հեռանալու մասին, փոխանցում է ակումբի կայքը:

Ֆրանսիացի մասնագետը «Մարսելում» վերջին հանդիպումը կանցկացնի մայիսի 24-ին կայանալիք «Մոնպելյեի» դեմ «Լիգա-1»-ի վերջին տուրի խաղում:

55-ամյա Գարսիան 2016-ին է գլխավորել «Մարսելը», որը նախորդ տարի հասավ մինչեւ Եվրոպայի լիգայի եզրափակիչ եւ պարտվեց Մադրիդի «Աթլետիկոյին»:

Ֆրանսիայի ընթացիկ առաջնությունում մարսելցիները 6-րդ տեղում են եւ զրկվել են եվրագավաթների ուղեգիր նվաճելու շանսից:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս