Վլադիմիր Կլիչկոյի հաջորդ մրցակիցը անպարտելի Մարիուշ Վախն է
12:53 3 օգոստոսի, 2012WBA, WBO, IBF եւ IBO վարկածներով աշխարհի չեմպիոն, ուկրաինացի գերծանրքաշային բռնցքամարտիկ Վլադիմիր Կլիչկոյի հաջորդ մրցակիցը կլինի լեհ Մարիուշ Վախը:
Լեհ բռնցքամարտիկն արդեն մենամարտի պայմանագիր է կնքել 36-ամյա ուկրաինացու հետ: Կվիճարկվեն Վլադիմիր Կլիչկոյի բոլոր տիտղոսները:
Մենամարտը կկայանա նոյեմբերի վերջին կամ դեկտեմբերի սկզբին Գերմանիայի Համբուրգ քաղաքի Imtech-Arena մարզապալատում, որը հյուրընկալում է մոտ 60 հազար երկրպագուների, հաղորդում է allboxing.ru-ն:
Հիշեցնենք, որ 2009-ին 32-ամյա Վախը վնասվածքի հետեւանքով ավարտել էր կարիերան, սակայն Global Boxing պրոմոուտերական ընկերությունից առաջարկ ստանալուց հետո լեհ բռնցքամարտիկը որոշեց վերադառնալ պրոֆեսիոնալ ռինգ: Մարիուշ Վախը WBC-ի վարկանիշային աղյուսակում զբաղեցնում է 4-րդ տեղը: Նա անցկացրել է 27 մենամարտ` տանելով նույնքան հաղթանակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։