«Բարսելոնան» կոչ է անում կոալիցիա ստեղծել ՊՍԺ-ի դեմ
15:54 1 օգոստոսի, 2017«Բարսելոնայի» ղեկավարությունը եվրոպական ակումբներից կոչ է անում կոալիցիա ստեղծել ՊՍԺ-ի դեմ եւ մեկուսացնել ֆրանսիական ակումբին ֆուտբոլային գործընթացներից, գրում է ֆրանսիական L'Equipe-ը: Կատալոնական ակումբը ՊՍԺ-ի արաբ միլիարդատեր սեփականատերերին համարում է սպառնալիք եվրոպական ֆուտբոլում հաստատված կանոնների համար բրազիլացի Նեյմարի տրանսֆերի կապակցությամբ:
ՊՍԺ-ն պատրաստ է վճարել Նեյմարի պայմանագրում ամրագրված 222 միլիոն եվրո տրանսֆերային գինը: «Բարսելոնան» փորձում է մինչեւ վերջին պահը խոչընդոտել տեղափոխությունը՝ համարելով, որ 25-ամյա ֆուտբոլիստը պետք է կատարի պայմանագիրը մինչեւ ժամկետի ավարտը՝ 2021թ.:
Նեյմարը կատալոնական ակումբում է խաղում 2013 թվականից: Իսպանիայի անցած առաջնության 30 հանդիպումներում ֆուտբոլիստը խփել է 13 գոլ, կատարել 16 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։