The Times. Վան Պերսին նախընտրում է տեղափոխվել «Մանչեսթեր Յունայթեդ»
17:15 22 հուլիսի, 2012Լոնդոնի «Արսենալի» եւ Հոլանդիայի ազգային հավաքականի հարձակվող Ռոբին վան Պերսին կարող է տեղափոխվել «Մանչեսթեր Յունայթեդ»:
The Times-ը գրում է, որ իր ծառայություններով հետաքրքրվող ակումբներից 28-ամյա հոլանդացին նախընտրում է Ալեքս Ֆերգյուսոնի թիմը:
«Արսենալն» էլ իր հերթին չի ցանկանում Վան Պերսիին վաճառել անգլիական ակումբի, որպեսզի չուժեղացնի մրցակիցների կազմը:
Հիշեցնենք, որ հոլանդացի ռմբարկուի տրանսֆերի կապակցությամբ լոնդոնյան ակումբն արդեն մերժել է «Մանչեսթեր Սիթիին», «Յուվենտուսին» եւ «Մանչեսթեր Յունայթեդին»:
Եվրո-2012-ից հետո Վան Պերսին հայտարարել էր, որ չի պատրաստվում երկարաձգել պայմանագիրն «Արսենալի» հետ: Նախորդ մրցաշրջանում նա Պրեմյեր լիգայում մասնակցել է 38 խաղի եւ խփած 30 գոլով ճանաչվել է առաջնության լավագույն ռմբարկու:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։