Վան Պերսին կարող է 15 միլիոն եվրոյով տեղափոխվել «Միլան»
16:37 19 հուլիսի, 2012Ֆուտբոլի Հոլանդիայի ազգային հավաքականի հարձակվող Ռոբին վան Պերսին կարող է Լոնդոնի «Արսենալից» տեղափոխվել իտալական «Միլան», հայտնում է Corriere dello Sport-ը:
Աղբյուրի փոխանցմամբ՝ լոնդոնյան ակումբը 28-ամյա հոլանդացու տրանսֆերից ցանկանում է ստանալ ամենաքիչը 15 միլիոն եվրո: Հոլանդացի հարձակվողի գործակալներն իրենց պահանջներն արդեն ներկայացրել են «Միլանին»՝ հինգ տարվա պայմանագիր՝ տարեկան վեց միլիոն եվրո աշխատավարձով:
Հիշեցնենք, որ Եվրո-2012-ից հետո Վան Պերսին հայտարարել էր, որ չի պատրաստվում երկարաձգել պայմանագիրն «Արսենալի» հետ:
Նախորդ մրցաշրջանում Վան Պերսին Պրեմյեր լիգայում մասնակցել է 38 խաղի եւ խփած 30 գոլով ճանաչվել է առաջնության լավագույն ռմբարկու:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։