«Վալենսիան» աչք է դրել Գագոյի վրա

Մադրիդի «Ռեալի» արգենտինացի կիսապաշտպան Ֆերնանդո Գագոն դարձել է իսպանական «Վալենսիայի» գլխավոր տրանսֆերային նպատակներից մեկը:

Նախորդ մրցաշրջանում 26-ամյա արգենտինացին վարձավճարով հանդես էր գալիս իտալական «Ռոմայում», որի կազմում անցկացրել է 31 հանդիպում՝ դառնալով մեկ գոլի եւ երեք գոլային փոխանցման հեղինակ:

TribalFootball-ը հայտնում է, որ Գագոյին ձեռք բերելու համար «Վալենսիան» կպայքարի անգլիական «Մանչեսթեր Յունայթեդի» եւ արգենտինական «Բոկա Խունիորսի» հետ:

Արգենտինացի կիսապաշտպանը 2007 թվականին «Բոկա Խունիորսից» է տեղափոխվել «Ռեալ»: Նա 38 հանդիպում է անցկացրել Արգենտինայի ազգային հավաքականի կազմում: