«Ռեալ Սոսյեդադը» պայմանագիր կնքեց «Արսենալի» հարձակվողի հետ

16:53   18 հուլիսի, 2012

Լոնդոնի «Արսենալի» մեքսիկացի հարձակվող Կարլոս Վելան պաշտոնապես դարձել է Սան Սեբաստյանի «Ռեալ Սոսյեդադի» խաղացող, հաղորդում է իսպանական ակումբի պաշտոնական կայքը:

Նախորդ մրցաշրջանում Մեքսիկայի ազգային հավաքականի հարձակվողը վարձավճարով էր հանդես գալիս «Ռեալ Սոսյեդադում»: 23-ամյա մեքսիկացին երեք տարվա պայմանագիր է կնքել իսպանական ակումբի հետ:

Իսպանիայի ավարտված առաջնությունում Վելան «Ռեալ Սոսյեդադի» կազմում անցկացրել է 33 հանդիպում եւ դարձել է 12 գոլի հեղինակ: Նա 2005 թվականին մեքսիկական «Գվադալահարայից» էր տեղափոխվել «Արսենալ»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։