Ֆուտբոլի Հոլանդիայի ազգային հավաքականի եւ «Հերենվենի» կիսապաշտպան Լուսիանո Նարսինգը կարիերան կշարունակի ՊՍՎ «Էյնթհովենում»:
21-ամյա հոլանդացին հինգ տարվա պայմանագիր է կնքել ՊՍՎ-ի հետ, հաղորդում է ակումբի պաշտոնական կայքը:
«ՊՍՎ-ն մեծագույն ակումբ է: Վստահ եմ, որ շատ արագ կհարմարվեմ նոր կոլեկտիվին: Ես չէի կարող չընդունել այս առաջարկը: Նախ ցանկանում են հանդես գալ հոլանդական սուպերակումբում, իսկ հետո տեղափոխվել ավելի բարձրակարգ առաջնություն: Շատ ուրախ եմ, որ տեղափոխվեցի ՊՍՎ»,- Նարսինգի խոսքը փոխանցում է ակումբի պաշտոնական կայքը:
Հոլանդիայի ավարտված առաջնությունում Նարսինգը «Հերենվենի» կազմում մասնակցել է 34 հանդիպման՝ դառնալով ութ գոլի եւ 20 գալային փոխանցման հեղինակ: Նա երկու հանդիպում է անցկացրել Հոլանդիայի ազգային հավաքականի կազմում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։