Վիլանովա. Խնդիրներ չունեմ Մոուրինյոյի հետ
11:15 18 հուլիսի, 2012Ես խնդիրներ չունեմ Մադրիդի «Ռեալի» գլխավոր մարզիչ Ժոզե Մոուրինյոյի հետ, հայտարարել է կատալոնական «Բարսելոնայի» գլխավոր մարզիչ Տիտո Վիլանովան:
«Իսպանիայի Սուպերգավաթի հանդիպման ժամանակ տեղի ունեցած միջադեպից անցել է մեկ տարի, սակայն հասարակությունը մինչեւ օրս քննարկում է կատարվածը: Դա արդեն հոգնեցրել է ինձ: Իմ ու Մոուրինյոյի համար գլխավոր պատիժը որակազրկումն էր: Ինչ վերաբերվում է մեր հարաբերություններին, ասեմ, որ խնդիրներ չունեմ Մոուրինյոյի հետ: «Սանտյագո Բերնաբեու» ստադիոնում մենք շատ հանգիստ ողջունեցինք միմյանց»,- Վիլանովայի խոսքը փոխանցում է Marca-ն:
Հիշեցնենք, որ նախորդ տարի կայացած Իսպանիայի Սուպերգավաթի հանդիպման ժամանակ Մոուրինյոն մատը մտցրել էր Վիլանովայի աչքը, իսկ իսպանացին հրել էր պորտուգալացուն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։