«Ուլիս» - «Շերիֆ» դիմակայությունը դեռ ավարտված չէ, Չեմպիոնների լիգայի որակավորման երկրորդ փուլի առաջին հանդիպման հետխաղյա մամուլի սուլիսում հայտարարեց մոլդովական ակումբի գլխավոր մարզիչ Միլան Միլանովիչը:
«Ինչպես եւ սպասում էի, հավասար խաղ ստացվեց, բայց երկրորդ խաղակեսում մենք տակտիկապես ավելի գրագետ գործեցինեք եւ դրա շնորհիվ կարողացանք արժանի հաղթանակ տանել: Այս խաղում մեր թիմը հանդես էր գալիս առանց մի քանի առաջատար խաղացողների: Ամեն դեպքում մրցակցությունը դեռ ավարտված չէ: Ինչպես այսօր, այնպես էլ պատասխան խաղում կխաղանք միայն հաղթանակի համար»,- հայտարարեց Միլանովիչը:
Հիշեցնենք, որ «Շերիֆը» մոլդովացի կիսապաշտպան Սերգեյ Գեորգիեւի գոլի շնորհիվ Երեւանում նվազագույն հաշվով հաղթեց «Ուլիսին»: Պատասխան խաղը տեղի կունենա հուլիսի 24-ին «Շերիֆի» ստադիոնում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։