Իտալացի մասնագետ Ֆաբիո Կապելոն հուլիսի 17-ին կժամանի Մոսկվա եւ եզրափակիչ բանակցություններ կվարի Ռուսաստանի ֆուտբոլային միության (ՌՖՄ) հետ։
Դոն Ֆաբիոն ՌՖՄ-ի հետ կկնքի պայմանագիր «2+2» համակարգով։ Նախնական տվյալների համաձայն՝ 66-ամյա իտալացու տարեկան աշխատավարձը կկազմի վեց միլիոն եվրո։ Կապելոն պայմանագիր կստորագրի հուլիսի 18 կամ 19-ին, հաղորդում է Eurosport.ru-ն։
Ռուսաստանի ֆուտբոլային միության նախագահի պաշտոնակատար Նիկիտա Սիմոնյանը հուլիսի 16-ին հաստատել էր, որ Ռուսաստանի ազգային հավաքականի գլխավոր մարզիչ է նշանակվել իտալացի Ֆաբիո Կապելոն։
Հիշեցնենք, որ Ռուսաստանի հավաքականի նախկին գլխավոր մարզիչ Դիկ Ադվոկատին Ռուսաստանի ֆուտբոլային միությունը վճարում էր տարեկան յոթ միլիոն եվրո աշխատավարձ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։