Ֆուտբոլի Իտալիայի ազգային հավաքականի եւ «Մանչեսթեր Սիթիի» հարձակվող Մարիո Բալոտելիի կենսաբանական մայրը՝ Ռոզա Բարվան, Մանչեսթերի գրասենյակներից մեկում ընդունվել է աշխատանքի՝ որպես հավաքարար: Ռոզա Բարվան կաշխատի վեց ֆունտ ժամավճարով:
Ինչպես հայտնի է, Բալոտելին ծնվել է գանացի աղքատ գաղթականների ընտանիքում: Նրա ծնողներն են Թոմաս եւ Ռոզա Բարվաները: Երկու տարեկանում Բալոտելին իտալական կառավարության պնդմամբ հանձնվել է իտալական հարուստ ընտանիքի խնամակալությանը:
Հիմա Մարիոյի շաբաթական աշխատավարձը կազմում է 120 հազար ֆունտ ստերլինգ: Նա ունի շքեղ առանձնատում Մանչեսթերում եւ վարում է Bentley Continental GT ավտոմեքենա:
Լրիվ այլ պայմաններում է ապրում Բալոտելիի կենսաբանական մայրը: Ռոզա Բարվան իր դստեր հետ Իտալիայից ժամանել է Մանչեսթեր՝ որդուն մոտ գտնվելու համար: Սակայն Մարիոն հազվադեպ է հանդիպում մորը, որն ապրում է նույն քաղաքում: Հիմա Ռոզա Բարվան լվանում է Մանչեսթերի գրասենյակներից մեկի հատակը, եւ աշխատանքի է գնում ավտոբուսով, գրում է Daily Mirror-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։