Ֆուտբոլի Սենեգալի ազգային հավաքականի հարձակվող Իբրահիմ Բալդեն իսպանական «Օսասունայից» տեղափոխվել է Կրասնոդարի «Կուբան», տեղեկացնում է «Советский спорт»-ը:
187 սմ հասակ ունեցող 21-ամյա ֆուտբոլիստի տրանսֆերի մանրամասները չեն հրապարակվել, միայն հայտնի է, որ նախորդ տարի նա «Օսասունայի» հետ կնքել է երեք տարվա պայմանագիր, որում նշված է, որ մինչեւ համաձայնագրի ավարտը սենեգալցուն ձեռք բերելու համար պետք է վճարել 9 միլիոն եվրո փոխհատուցում:
Իբրահիմ Բալդեն 2011 թվականին Մադրիդի «Աթլետիկոյից» էր տեղափոխվել «Օսասունա»: Իսպանիայի ավարտված առաջնությունում մասնակցել է 22 խաղի՝ դառնալով յոթ գոլի հեղինակ:
Հիշեցնենք, որ «Կուբան» առաջատար հարձակվող Լասինա Տրաորեն օրեր առաջ պայմանագիր էր կնքել Մախաչկալայի «Անժիի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։