Տյագո Սիլվան 42 միլիոն եվրոյով տեղափոխվեց ՊՍԺ

13:41   15 հուլիսի, 2012

Ֆրանիայի փոխչեմպիոն «Պարի Սեն Ժերմենը» պաշտոնապես հայտարարել է իտալական «Միլանի» եւ Բրազիլիայի ազգային հավաքականի պաշտպան Տյագո Սիլվային ձեռք բերելու մասին:

Goal.com-ը գրում է, որ 27-ամյա բրազիլացու տեղափոխության համար փարիզյան ակումբը կվճարի 42 միլիոն եվրո: Սիլվան ՊՍԺ-ի հետ կնքել է հինգ տարվա պայմանագիր՝ տարեկան 7.5 միլիոն եվրո աշխատավարձով:

Տյագո Սիլվան 2008 թվականին բրազիլական «Ֆլումինենսեից» էր տեղափոխվել «Միլան», որի կազմում անցկացրել է 93 հանդիպում եւ դարձել է ութ գոլի հեղինակ: Բրազիլաիայի ազգային հավաքականի կազմում մասնակցել է 28 խաղի, խփել է մեկ գնդակ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։