Կասիլյասը չի մտածում «Ոսկե գնդակի» մասին
13:18 14 հուլիսի, 2012Ֆուտբոլում դարպասպահների աշխատանքը չի գնահատվում, այդ իսկ պատճառով նրանք հազվադեպ են արժանանում «Ոսկե գնդակին», հայտարարել է Իսպանիայի ազգային հավաքականի եւ Մադրիդի «Ռեալի» դարպասապահ Իկեր Կասիլյասը:
«Ոսկե Գնդակը» պատվաբեր մրցանակ է: Լսել եմ, որ այս տարի իմ անունը եւս կա հավակնորդների ցուցակում: Կարծում եմ, որ դարպասապահները նույնպես շատ կարեւոր դեր են կատարում ֆուտբոլում: Նրանց աշխատանքը չի գնահատվում, այդ իսկ պատճառով դարպասապահները հազվադեպ են արժանանում «Ոսկե գնդակին»: Եթե Լեւ Յաշինը ստացել է այդ մրցանակը, ուրեմն դա կարող են անել նաեւ մյուս դարպասապահները»,- Կասիլյասի խոսքը մեջբերում է As-ը:
Հիշեցնենք, որ նախորդ մրցաշրջանում 31-ամյա Կասիլյասը Մադրիդի «Ռեալի» կազմում դարձավ Իսպանիայի չեմպիոն, ինչպես նաեւ օգնեց Իսպանիայի ազգային հավաքականին պահպանել Եվրոպայի չեմպիոնի տիտղոսը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։