Շվեդական ԱԻԿ-ը հրաժարվել է «Միլանի» հետ ընկերական հանդիպումից Իբրահիմովիչի պատճառով
10:12 14 հուլիսի, 2012Շվեդական ԱԻԿ-ը հուլիսի 13-ին պաշտոնապես հայտարարել է իտալական «Միլանի» հետ ընկերական հանդիպումից հրաժարվելու մասին: Խաղը պետք է կայանար օգոստոսի 12-ին Ստոքհոլմում:
Շվեդական ակումբը նման որոշում է կայացրել Զլատան Իբրահիմովիչի՝ «Միլանից» ՊՍԺ-ը տեղափոխվելուց հետո:
«Ցավում եմ, բայց որոշ հանգամանքներ ստիպեցին մեզ հրաժարվել այդ հանդիպումից: Շվեդիայի ազգային հավաքականի ավագ Զլատան Իբրահիմովիչի բացակայությունը կարող է հիասթափեցնել մեր երկրպագուներին: Ինչպես հայտնի է, նա տեղափոխվում է ֆրանսիական ՊՍԺ: Մենք վստահ չենք, որ Զլատանը «Միլանի» հետ կժամանի Շվեդիա, այդ իսկ պատճառով չենք կարող ռիսկի դիմել»,- նշվում է շվեդական ակումբի հայտարարությունում, փոխանցում է Goal.com-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։