Իբրահիմովիչը ժամանել է Փարիզ

23:51   13 հուլիսի, 2012

Իտալական «Միլանի» եւ Շվեդիայի ազգային հավաքականի հարձակվող Զլատան Իբրահիմովիչը ժամանել է Փարիզ՝ Ֆրանսիայի փոխչեմպիոն «Պարի Սեն Ժերմենում» բուժզննում անցնելու համար, տեղեկացնում է RMC-ն:

30-ամյա հարձակվողը փարիզյան ակումբի հետ պայմանագիր կկնքի կամ հուլիսի 13-ի գիշերը, կամ երկուշաբթի օրը՝ հուլիսի 16-ին: Բանն այն է, որ հուլիսի 14-ին Ֆրանսիայում նշվում է Բաստիլի գրավման օրը:

Մինչեւ այս հաղորդվում էր, որ «Միլանի» առաջատարներ Տյագո Սիլվային ու Զլատան Իբրահիմովիչին ձեռք բերելու համար ՊՍԺ-ն կվճարի 70 միլիոն եվրո:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։