Եվրոպայի լիգայի երրորդ փուլի վիճակահանությունը կկայանա հուլիսի 20-ին
21:36 13 հուլիսի, 2012Ֆուտբոլի Չեմպիոնների լիգայի եւ Եվրոպայի լիգայի որակավորման երրորդ փուլի վիճակահանությունը կկայանա հուլիսի 20-ին Շվեյցարիայի Նյոն քաղաքում, հաղորդում է ՈւԵՖԱ-ի պաշտոնական կայքը:
Ավանդույթի համաձայն՝ նախ տեղի կունենա Չեմպիոնների լիգայի վիճակահանությունը, իսկ հետո հայտնի կդառնան Եվրոպայի լիգայի զույգերը:
Հիշեցնենք, որ հայկական ակումբներից Եվրոպայի լիգայի որակավորման երկրորդ փուլի ուղեգիր են ձեռք բերել Կապանի «Գանձասարն» ու Գյումրիի «Շիրակը»: Կապանցիներն ուժերը կչափեն շվեյցարական «Սերվետի» հետ, իսկ գյումրեցիների մրցակիցը կլինի իսրայելական «Բնեյ Յեհուդա» ակումբը:
Չեմպիոնների լիգայում Հայաստանը ներկայացնող Երեւանի «Ուլիսը» որակավորման երկրորդ փուլում կհանդիպի Մոլդովայի 11-ակի չեմպիոն Տիրասպոլի «Շերիֆի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։