Կապելոն ՌՖՄ-ից ակնկալում է չորս տարվա պայմանագիր եւ 40 միլիոն եվրո
22:44 12 հուլիսի, 2012Ֆուտբոլի Անգլիայի հավաքականի նախկին գլխավոր մարզիչ, իտալացի Ֆաբիո Կապելոն պատրաստ է գլխավորել Ռուսաստանի հավաքականը։ 66-ամյա մասնագետը Ռուսաստանի ֆուտբոլային միությունից ակնկալում է չորս տարվա պայմանանագիր եւ տարեկան 10 միլիոն եվրո աշխատավարձ, հաղորդում է Sovsport.ru-ն՝ հղում անելով սեփական աղբյուրներին։
Կապելոն Մոսկվայում բանակցել է Ռուսաստանի ֆուտբոլային միության խոշոր հովանավորներից մեկի ներկայացուցիչների հետ։ Ընկերությունը չի նշվում։
Նկատենք, որ հոլանդացի մարզիչ Դիկ Ադվոկատը Ռուսաստանի հավաքականում ստանում էր տարեկան 7 միլիոն եվրո։
Կապելոյի նշանակման դեպքում Ռուսաստանի հավաքականի գլխավոր մարզիչի օգնական կլինի կամ Իգոր Շալիմովը, կամ Դմիտրի Ալենիչեւը։ Երկուսն էլ նախկինում հանդես են եկել Իտալիայի առաջնությունում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։