Կապելոն բանակցություններ է վարել Ռուսաստանի ֆուտբոլային միության հետ
16:40 12 հուլիսի, 2012Մոսկվայում գտնվող ֆուտբոլի Անգլիայի ազգային հավաքականի նախկին գլխավոր մարզիչ Ֆաբիո Կապելոն հուլիսի 12-ին բանակցություններ է վարել Ռուսաստանի ֆուտբոլային միության (ՌՖՄ) հետ: Այդ մասին հայտարարել է Ռուսաստանի սպորտի նախարար Վիտալի Մուտկոն:
«Այսօր Կապելոն եղել է Ռուսաստանի ֆուտբոլային միությունում եւ բանակցություններ է վարել կազմակերպության ղեկավարների հետ: Հիմա հերթը հաջորդ թեկնածուինն է: Կարծում եմ՝ առաջիկա երկու շաբաթվա ընթացքում ՌՖՄ-ի ներկայացուցիչները կզրուցեն բոլոր թեկնածուների հետ»,- Մուտկոյի խոսքը փոխանցում է «Р-Спорт»-ը:
Հիշեցնենք, որ Ռուսաստանի հավաքականի գլխավոր մարզիչի թափուր պաշտոնի հավակնորդների թվում են նաեւ՝ Ռաֆայել Բենիտեսը, Անատոլի Բիշովեցը, Մարսելո Բյելսան, Վալերի Գազաեւը, Խոսեպ Գվարդիոլան, Անդրեյ Կոբելեւը, Յուրի Կրասնոժանը, Մարչելո Լիպին, Վալերի Նեպոմնյաշչին, Նիկոլայ Պիսարեւը, Հարի Ռեդնապը եւ Յուրի Սյոմինը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։