Ռիյադ Մահրեզը՝ 2016թ. Աֆրիկայի լավագույն ֆուտբոլիստ
10:37 6 հունվարի, 2017Անգլիայի չեմպիոն «Լեսթեր Սիթիի» եւ Ալժիրի հավաքականի կիսապաշտպան Ռիյադ Մահրեզը ճանաչվել է 2016թ. Աֆրիկայի լավագույն ֆուտբոլիստ, հաղորդում է Աֆրիկայի ֆուտբոլային կոնֆեդերացիայի պաշտոնական կայքը:
Եզրափակիչ եռյակի քվեարկությունում Մահրեզը ստացել է 361 ձայն՝ հետ թողնելով Դորտմունդի «Բորուսիայի» եւ Գաբոնի հավաքականի հարձակվող Պյեր-Էմերիկ Օբամեյանգին (313) եւ անգլիական «Լիվերպուլի» ու Սենեգալի հավաքականի հարձակվող Սադիո Մանեին (186):
Լավագույն մարզիչ է ճանաչվել Պիտսո Մոսիմանեն, որը հարավաֆրիկյան «Մամելոդի Սանդաունզի» հետ նվաճել է Աֆրիկայի Չեմպիոնների լիգայի գավաթը:
Լավագույն երիտասարդ ֆուտբոլիստի մրցանակը բաժին է հասել Լոնդոնի «Արսենալի» եւ Նիգերիայի հավաքականի հարձակվող Ալեքս Իվոբիին, ամենախոստումնալի խաղացող է ճանաչվել «Մանչեսթեր Սիթիի» նիգերիացի հարձակվող Կելեչի Իհեանաչոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։