Անգլիական Պերմյեր լիգա վերադարձած Լոնդոնի «Վեսթ Հեմի» գլխավոր մարզիչ Սեմ Էլարդայսը ցանկանում է իր թիմում տեսնել «Լիվերպուլի» եւ Անգլիայի ազգային հավաքականի հարձակվող Էնդի Քերոլին:
Լոնդոնյան ակումբը պատրաստ է վարձակալել 23-ամյա անգլիացուն, իսկ մրցաշրջանի վերջում 15 միլիոն ֆունտ ստերլինգ վճարել նրա տրանսֆերային իրավունքը ձեռք բերելու համար:
Հիշեցնենք, որ Քերոլին ձեռք բերելու համար «Լիվեպուլը» 2011 թվականին 35 միլիոն ֆունտ ստերլինգ էր վճարել անգլիական «Նյուքասլին»:
Ավելի վաղ հաղորդվում էր, որ անգլիացի հարձակվողին ցանկանում է վարձակալել նաեւ իտալական «Միլանը»:
«Լիվերպուլի գլխավոր մարզիչ Բրենդան Ռոջերսը չի բացառել Քերոլին վարձակալությամբ այլ ակումբի տրամադրելու տարբերակը, հայտնում է Goal.com-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։