Լուգանսկում կայացավ ֆուտբոլի Ուկրաինայի Սուպերգավաթի եզրափակիչ հանդիպումը Դոնեցկը ներկայացնող երկու ակումբների` «Շախտյորի» եւ «Մետալուրգի» միջեւ:
Հանդիպման ամբողջ ընթացքում Ուկրաինայի չեմպիոն «Շախտյորը» բացահայտ առավելություն ուներ: Արդեն 5-րդ րոպեին «Շախտյորը» բացեց հանդիպման հաշիվը. Դարիո Սրնայի փոխանցումից հետո աչքի ընկավ Լուիս Ադրիանոն: 35-րդ րոպեին գեղեցիկ եւ բազմաքայլ կոմբինացիայից հետո հաշիվը կրկնապատկեց Դուգլաս Կոստան:
Մինչեւ հանդիպման ավարտը «Շախտյորը» եւս մի քանի գոլային պահ ունեցավ, սակայն չկարողացավ իրացնել: Խաղն ավարտվեց «հանքափորների» վստահ հաղթանակով` 2:0:
Հայաստանի հավաքականի կիսապաշտպան Հենրիխ Մխիթարյանը «Շախտյորի» կազմում հանդիպումն անցկացրեց առանց փոխարինման:
«Մետալուրգի» կազմում առաջին րոպեներից խաղադաշտում էր Գեւորգ Ղազարյանը, որը նույնպես մասնակցեց հանդիպմանն առանց փոխարինման: Արտակ Եդիգարյանը հայտավորված էր «Մետալուրգի» կազմում, բայց այդպես էլ խաղադաշտ չմտավ:
Ուկրաինայի Սուպերգավաթ. եզրափակիչ
«Շախտյոր» - «Մետալուրգ»` 2:0
Լուիս Ադրիանո, 5, Դուգլաս Կոստա, 35
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։