Գազաեւ. Այժմ Եվրոպան ծիծաղում է Ռուսաստանի վրա
21:13 10 հուլիսի, 2012Այն, ինչ այժմ տեղի է ունենում Ռուսաստանի հավաքականի գլխավոր մարզիչի նշանակման շուրջ, շատ ծիծաղելի կլիներ, եթե այդքան տխուր չլիներ, ասել է «Ալանիա» ակումբի նախագահ Վալերի Գազաեւը` մեկնաբանելով Ռուսաստանի ֆուտբոլային միության աշխատանքը` մարզիչ փնտրելու ուղղությամբ:
«Ես «հիացած» եմ ՌՖՄ-ի գործունեությամբ, որը էական որոշումներ ընդունելու փոխարեն ոչ թե թատրոն, այլ իսկական խեղկատակություն է սարքել:
Պատկերացնում եմ, թե ինչպես է ամբողջ Եվրոպան ծիծաղում Ռուսաստանի վրա, նույնիսկ նրանք, ովքեր ընդգրկվել են «13-ի ցուցակում»` Կապելոն կամ Լիպին:
Նման բան կարելի էր պատկերացնել միգուցե ամենահետամնաց աֆրիկյան երկրում: Այդ դեպքում եկեք ՌՖՄ-ի նախագահ նշանակենք որեւէ մեկին Տանզանիայից, իսկ գլխավոր մարզիչին` Անտիգուա եւ Բարբուդայից»,- Գազաեւի խոսքն է մեջբերում «Спорт-Экспресс»-ը:
Հիշեցնենք, որ ՌՖՄ-ն հրապարակել է Ռուսաստանի հավաքականի գլխավոր մարզիչի թեկնածուների ցանկը, որտեղ նշված են, մասնավորապես, Գվարդիոլայի եւ Կապելոյի անունները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։