Իտալական լրատվամիջոցներն անդրադարձել են Գյումրիի «Շիրակի» եւ Հայաստանի պատանեկան հավաքականի 17-ամյա կիսապաշտպան Վահան Բիչախչյանին, որն այս օրերին փորձաշրջան է անցնում իտալական «Ֆիորենտինայում»։
«Վահան Բիչախչյանը «Ֆիորենտինայի» նոր տրանսֆերային նպատակներից է։ Այս պահին հայ ֆուտբոլիստի անունը քիչ բան է ասում, բայց Բիչախչյանն արդեն հաջորդ ամռանը կարող է տեղափոխվել «Ֆիորենտինա», երբ լրանա նրա 18 տարին»,- գրում է calcionews24.com-ը։
«Ֆիորենտինան» շարունակում է տաղանդավոր խաղացողների փնտրել ամբողջ աշխարհում։ Նրանցից մեկը կարող է դառնալ հայկական «Շիրակը» ներկայացնող Վահան Բիչախչյանը, որը փորձաշրջանի է ժամանել «Ֆիորենտինա»։ The Guardian-ի վարկածով, 2016թ. աշխարհի ամենատաղանդավոր երիտասարդ ֆուտբոլիստների ցուցակում ընդգրկված Բիչախչյանը մեկ շաբաթվա ընթացքում կձգտի ապացուցել, որ արժանի է իտալական ակումբին»,- գրում է mondoprimavera.com-ը։
Հիշեցնենք, որ Վահան Բիչախյանն ընթացիկ մրցաշրջանում փորձաշրջան է անցել նաեւ Մոսկվայի ԲԿՄԱ-ում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։