«Ռեալը» 35 միլիոն կառաջարկի Մոդրիչի համար
14:42 8 հուլիսի, 2012Լոնդոնի «Տոտենհեմի» եւ Խորվաթիայի ազգային հավաքականի կիսապաշտպան Լուկա Մոդրիչը դարձել է Մադրիդի «Ռեալի» գլխավոր տրանսֆերային նպատակը:
AS-ի փոխանցմամբ՝ 26-ամյա կիսապաշտպանին ձեռք բերելու համար Արքայական ակումբը պատրաստ է վճարել 35 միլիոն եվրո, ինչպես նաեւ «Տոտենհեմին» տրամադրել պորտուգալացի պաշտպան Ռիկարդո Կարվալյոյի տրանսֆերային իրավունքը: «Տոտենհեմը» Մոդրիչի համար պահանջում է 40 միլիոն եվրո: Խորվաթ ֆուտբոլիստի տրանսֆերի հարցում վերջնական որոշում կկայացվի հուլիսի կեսերին:
Անգլիայի ավարտված առաջնությունում Մոդրիչը մասնակցել է 36 հանդիպման եւ դարձել է չորս գոլի հեղինակ: Նա 2008 թվականին Զագրեբի «Դինամոյից» է տեղափոխվել «Տոտենհեմ»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։