Դի Մատեո. Տորեսի տեղը հիմնական կազմում երաշխավորված չէ
14:32 8 հուլիսի, 2012Ֆերնանդոյի համար անհանգստանալու կարիք չկա, ասել է «Չելսիի» գլխավոր մարզիչ Ռոբերտո դի Մատեոն` թիմի հարձակվող Ֆերնանդո Տորեսի մասին:
«Ես նրա հետ զրուցել եմ Չեմպիոնների լիգայի եզրափակիչի (2011/12) հաջորդ առավոտյան, մշտապես նրա հետ կապի մեջ եմ եղել: Վստահ եմ, որ նա ակումբ կվերադառնա բարձր տրամադրությամբ եւ հաջորդ մրցաշրջանում իրեն լավ կդրսեւորի»,- Դի Մատեոյի խոսքն է մեջբերում Sky Sports-ը:
Սակայն Դի Մատեոն նշել է, որ չնայած Եվրո-2012-ի «Ոսկե խաղակոշիկին», իսպանացու տեղը «Չելսիի» հիմնական կազմում երաշխավորված չէ. «Մեր տրամադրության տակ երեք հարձակվող կա, եւ ես չեմ կարող ասել, թե նրանցից ով կխաղա: Նրանց միջեւ պետք է հիմնական կազմում տեղ ունենալու համար առողջ մրցակցություն լինի: Ով ավելի լավ մարզավիճակում լինի, նա էլ խաղադաշտ կմտնի»,- ասել է Դի Մատեոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։