«Ռեալը» հրաժարվել է Մայկոնի տրանսֆերից

Մադրիդի «Ռեալի» ղեկավարությունը հրաժարվել է ձեռք բերել իտալական «Ինտերի» բրազիլացի պաշտպան Դուգլաս Մայկոնին, տեղեկացնում է Marca-ն:

Բրազիլիայի ազգային հավաքականի խաղացողին ցանկանում էր իր թիմում տեսնել «Ռեալի» գլխավոր մարզիչ Ժոզե Մոուրինյոն, սակայն Արքայական ակումբի ղեկավարությունը որոշել է այլ ֆուտբոլիստի ձեռք բերել աջ պաշտպանի դիրքում:

Ավելի վաղ հաղորդվում էր, որ 30-ամյա Մայկոնը պատրաստ է «Ռեալ» տեղափոխվել տարեկան մեկ միլիոն եվրո աշխատավարձով:

Բրազիլացի պաշտպանը 2006 թվականին ֆրանսիական «Մոնակոյից» է տեղափոխվել «Ինտեր»: Իտալիայի ավարտված առաջնությունում մասնակցել է 24 խաղի, խփել է երկու գոլ: