Պրոֆեսիոնալ բռնցքամարտի WBA, WBO, IBF, IBO վարկածներով աշխարհի չեմպիոն, գերծանրքաշային Վլադիմիր Կլիչկոն Շվեյցարիայի մայրաքաղաք Բեռնի «Stade de Suisse» ստադիոնում պաշտպանեց IBF տիտղոսը` պարտության մատնելով IBF (Բռնցքամարտի միջազգային ֆեդերացիայի) վարկածով աշխարհի չեմպիոնի հավակնորդ, ամերիկացի Թոնի Թոմփսոնին:
40-ամյա Թոնի Թոմփսոնը դիմացավ վեց ռաունդ: 36-ամյա Ուկրաինացու օգտին գրանցվեց տեխնիկական նոկաուտ:
Առաջին չորս ռաունդներն անցան անհետաքրքիր պայքարում, իսկ 5-րդ ռունդում ուկրաինացին ծանր նոկդաունի ենթարկեց Թոմփսոնին: Ամերիկացին կարողացավ բարձրանալ, սակայն Կլիչկոն եւս մեկ գրոհ անցկացրեց 6-րդ ռաունդում՝ դարձյալ նոկդաունի ենթարկելով մրցակցին: Թոմփսոնը նորից ոտքի կանգնեց, բայց մրցավարները դադարեցրից մենամարտը՝ հաղթանակը շնորհելով Կլիչկոյին:
Կլիչկոն IBF տիտղոսը պաշտպանեց արդեն 12-րդ անգամ:
Նշենք, որ Կլիչկոն ու Թամփսոնը ռինգում հանդիպել էին նաեւ 2008 թվականին Համբուրգում: Այն ժամանակ Կլիչկոն հաղթեց 11-րդ ռաունդում, դարձյալ նոկաուտով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։